Satya Prakash
କବିତା

ଘଟଗାଁ ତାରିଣୀ

ଇତିହାସ ସାକ୍ଷୀ ଘଟଗାଁ ତାରିଣୀ
ଯେ ଚଉଦ ଶହ ଅଶୀ
ସ୍ଥାପିତ ହୋଇଲେ ଇଚ୍ଛାମୟୀ ମାଆ
ଏକାନ୍ତେ ଜଙ୍ଗଲେ ପଶି ।। 1
କାଞ୍ଚି ଅଭିଯାନେ ପୁରୀ ଗଜପତି
ସେ ପୁରୁଷୋତ୍ତମ ଦେବ
କେଉଁଝର ରାଜା ଗୋବିନ୍ଦ ଭଞ୍ଜଠିଁ
ଲୋଡ଼ିଲେଟି ସହଯୋଗ।। 2
ଉଡାଇଲେ ଧ୍ଵଜା ବିଜୟର ବାନା
ଉଡେ ଫରଫର ଗର୍ବେ
ଗଜପତି ଦେଲେ ଭେଟି ଗୋବିନ୍ଦରେ
ତାରିଣୀ ମାଆଙ୍କୁ କରେ।। 3
ମାଆ କିନ୍ତୁ କଲେ ସର୍ତ୍ତ ଆରୋପଣ
ପଛକୁ ଚାହିଁବ ନାହିଁ
ତୁମେ ଯିବ ଆଗେ ପଛେ ପଛେ ମୁହିଁ
ରୁଣୁ ଝୁଣୁ ଶବ୍ଦ କରି।। 4
ଏକଥା ନୋହିଲା ସର୍ତ୍ତ ପାରିଲେନି
ରଖିଣ ଗୋବିନ୍ଦ ଭଞ୍ଜ
କାଦୁଅରେ ଅବା ମାତା ଗୋଡ ପଶି
ଶୁଭିଲାନି କ୍ଷଣେ ଶବ୍ଦ।। 5
ବ୍ୟସ୍ତେ ଭଞ୍ଜ ଦେଓ ଚିତ୍ତ ଉଦବେଗେ
ପଛକୁ ଦେଲେଟି ଚାହିଁ
ତତ୍କ୍ଷଣାତ୍ ମା’ ପାଲଟି ଗଲେଟି
ପାଷାଣ ମୂରତି ସେଠି।। 6
ସେହି ଦିନଠାରୁ ଘଟଗାଁ ପୀଠରେ
ରହିଲେ ଭକତ ଲାଗି
ଭକତ ଜନଙ୍କ ଦୁଃଖ ହାରିଣୀ ମା’
ନଡ଼ିଆ ଖାଇ ତାରିଣୀ।। 7
ଘଟଗାଁ ବାସିନୀ ସଙ୍କଟ ମୋଚନୀ
ଭକତ ରଙ୍କୁଣୀ ମାଆ
ମୁହିଁ ଦୀନ ହୀନ ଅକିଞ୍ଚନ ପରା
ମୋତେ ତୁ ହେବୁ ଲୋ ସାହା ।।0

Related posts

ଘଞ୍ଚ ବନାନୀ

satya

ରଣ ଭୂଇଁ

satya

ଫୁଟାଣିଆଙ୍କୁ ପଦେ

satya

Leave a Comment

Login

X

Register